‘Dit is echt gin oefening’, as de oaverheid det mut toevoegen an een crisissignaal, dan weet ze zelf ok det al die oefeningen niet zo’n goed plan waren. Joaren lang oefent wie op rampen, dus as het dan echt is, dan geleuve wie d’r niks van.

In Hawaï waren ze lest ollemoal behoarlijk de weg kwiet. Wie de oproep wél serieus nam, wus ok niet wat e mos doene. De atoomkelder bleek niet open te goane. En as ie nog een minute hebt, stek dan de stroate nog mar ‘ns oaver op zuuk noar een veilig onderkomm.

As ik nog een minute hebbe, dörf ik op het perron nog niet iens wieder te lopen noar een volgende coupe, ömdet mie de conducteur tussen de earste en de twidde coupe dan iniens op zien fluitie blös.

Zul ie altied ziene.
Heb ik wear.

Bie oons op schoele ging het alarm ok of. Vöar de derde kear in een moand. De directie was het zat en bleef gewoon zitten. Nou, sindsdien loopt die oefeningen niet mear zo goed. Bevobbeld ok die kear, det een gehandicapte student van zeu’m hoge döar het trappengat noar beneden mos edraa’ng wönn. Det leup ok niet hillemoal goed. Ie kunt an de pas geverfde trappen nog ziene woar e noar beneden ebonkst is (de liften doet het dan niet). En ien kear beneden was de oefening net of elopen. Toen deun de liften wel wear. Mar de gehandicapte stund d’r op det die galbakken van de oefening ‘m wear terugge brachten noar de zeumde verdieping!

Oefeningen bent net als penalty’s. As ’t d’r op an kump is de spanning zo groot, det d’r gerust nog van alles mis kan goane.

Dus toen mie de wichter een rampenoefeing op de basisschoele haa’n en det ze earst op de instructies van de juffrouw mossen wachten, heb ik ze ‘eleard det as het öm het echie giet, det ze dan op niks en niemand mut wachten, mar det ze gewoon mut ziene det ze zo gauw mogelijk buten komt.

Denne van Knöldert

LAAT EEN REACTIE ACHTER

Please enter your comment!
Please enter your name here