In Wieje is lest een katte beschötten. Ik denk met een windbukse. Daags doarnoa was ’t beesie dood. “Aan zijn verwondingen overleden”, schreef Salland Centraal.

Toen ik in 1990 bie RTV Oost een berichie schreve oavervarkens die dood waren egoane bie een ongeluk met een veevervoervrachtwaa’ng, gebruken ik ok ‘overleden’. “’t Bunt gin meansen”, zei de toenmalig hoofdredacteur, “die varkens bunt gewoon dood”.

Bij het ongeval verongelukten 35 varkens.
35 Varkens overleefden het ongeval niet.
Er kwamen 35 varkens om bij het ongeval.

Ik wusse niet zo goed wat ik d’r van mosse maken. Ik heb nog oaverwöa’ng te schriem det 35 varkens de slachterieje niet leamd ehaald haa’n, woar ze anders ok een kogel döar de kop zollen krieng. Mar det was dan ok wear een stap te verre de aandere kaante op.

Sinds een depressieve goede kennis besleut öm uut het lea’mte stappen, heb ik die discussie met mie zelf ok altied met het woard ‘zelfmoard’. Zelfmoard is moard. Zelfdoding is döarumme better.

Het veul mie op det media rondom het oaverlijden van de zuster van Maxima vaker zelfdoding gebruken dan zelfmoard. D’r was d’r zelfs iene op de radio die in het algemeen oaverzelfmoard preut, mar in het biezonder – as het oaver de zuster van Maxima ging – oaver zelfdoding.

En dan lest dus die katte die ze met een bukse bescheuten. Die was overleden. De aaibaarheidsfactor van een katte zeg dan det völle meansen ‘woedend’ bent en onder hen heb ie d’r tussen zitten die dan de schutter het liefst ok met een buksebeschiet…

Weet ule det d’r in Nederland 1,5 dieren per dag dood emaaktwördt vöar consumptie?

As ie d’r an toe bent wens ik oe een smakelijke bbq toe.

Denne van Knöldert

 

LAAT EEN REACTIE ACHTER

Please enter your comment!
Please enter your name here