Ik was van de wekke op een leazing oaverplattelandsontwikkeling. Hooggeleerde Dirk Strijker zei doariets verrassends: een klein dorp wördt niet better van een basisschoele. Earder slechter.

Hij dörm det te zeng noa analyse van 7500 interviews van het Centraal Bureau vöar Statistiek. Met de verkiezingen van meart was het een vroage an politieke partiejen: mut ieder dorp een schoele he’mm? Ik dach toen al det het niet de relatie dorp-schoele mut weane, mar de relatie schoele-beste onderwies vöar de wichter.

Echt zo’n ‘onderboek’-vroage. Tuurlijk is een schoele in het dorp better. Wie durft te zeng det det niet zo is, is gek. Onderboek, gezond verstand, traditie: van die holle frasen die meansen gebruukt as ze gin goeje argumenten mear hebt.

In werkelijkheid blik een te kleine schoele nie zo heel goed vöar de ontwikkeling van oe kind. Qua studie nog wel, mar qua wereldwies wönn niet echt. Mar d’r is nog een ander verschijnsel:

– olders die hun wichter nöar de dorpsschoele doet, besteet al hun vrieje tied an hand- en spandiensten vöar de schoele en hebt dan gin tied mear vöar noodzakelijk ander vriewilligerswerk in het dorp (trainer van de voetbal, woarhun wichter ok op zit);

– oalders die hun wichter noar een schoele buten het dorp doet, wördt met de rugge an ‘ekekken.

Tel uut oe winst.

Langjoarig onderzuuk in Groningen wis uut det d’r niks negatiefs geböart in een dorp woar de schoele tien joarterugge verdween. En kortdurend onderzuuk in Zeeland gaf an det het contact tussen olders verbetteren, ömdet ze mearcontact kreeng wegens een gezamenlijke haal- en brengdienst van de wichter noar een dorp wiederop.

 

Denne van Knöldert

LAAT EEN REACTIE ACHTER

Please enter your comment!
Please enter your name here