Ik had een pick up oaver, een platenspöller. Die had ik mie zelf vief joar terugge vanuut sentimenteel oogpunt an’ eschaft, mar Spotify hef e’wunn noe ik snel glasvezel-internet hebbe. Een paar hoezen van David Bowie an de mure herinnert nog an de tied van vinyl, mar de meters lp’s bent weg. Noe de platenspöller ok. Bienoa.

Op facebook d’r met.

Wat ik d’r vöar mosse he’mm, vreug een mevrouw namens haar man.
“Nou, nuum mar een bedrag”, stellen ik vöar, ik had eigenlijk in mien achterheufd det ik ‘m gewoon weg zolle gee’m.
“Nee, zeg mar wat ie wult he’mm.”
“Mar ik heb d’r gin verstand van!”
“Nuum mar wat, dan reageer ik wel.”
“Vieftig euro?”
“Ben oe noe hillemoal gek, doar geef ik oe gin serieus antwoard op.”

Ik weet niet, mar ben ik noe hillemoal gek of zit det aans…
Denne van Knöldert

LAAT EEN REACTIE ACHTER

Please enter your comment!
Please enter your name here